Innheimtuaðgerðir Vinstri grænna

Ég skráði mig í Vinstri græna vorið 2003 og hafði trú á þeim flokki. Ég hafði þekkt Steingrím Jóhann Sigfússon frá fyrri tíð og líkað vel við hann. Ég veit að hann er einn af þeim stjórnmálamönnum sem eru heiðarlegir eins og öll hans fjölskylda.

Svo gerist það. Ég fæ sendan gíróseðil um að greiða félagsgjöld hjá Vinstri grænum fyrir Norðausturkjördæmi sem er svo sem ekki í frásögur færandi. (Ég bý og hef búið í Reykjavík í 6 ár).

Hvað um það. Það dróst hjá mér að greiða félagsgjöldin og í kjölfarið fékk ég hótunarbréf frá Sparisjóði Ólafsfjarðar sem sér um innheimtu fyrir Vinstri græna í Norðausturkjördæmi.

Brot úr texta bréfsins: greiða eigi sem fyrst til að forðast kostnaðarsamar innheimtuaðgerðir.

Annað brot: Kröfurnar eru sem sagt ekki komnar í eindaga og hægt að greiða þær án alls kostnaðar eins og áður segir.

Það sem mér finnst áhugavert er: ekki komnar í eindaga. En hvenær gerist það? Hvenær fæ ég innheimtubréf og síðan eitthvað enn verra og kostnaðarsamra?

Athugasemdir

[TARA, 15.4.2009 kl. 17:05]

Mundu bara að borga strax þegar næsti seðill kemur

Ég er næsta viss um að allur þessi innheimtukostnaður, er ekki alveg löglegur.

[Trausti Traustason, 15.4.2009 kl. 17:38]

Ég ætla ekki að borga! Eftir svona bréf eiga Vinstri grænir ekkert gott skilið!

[Hlynur Hallsson, 15.4.2009 kl. 20:46]

Sæll Trausti. Þetta bréf frá Sparisjóðnum voru mistök þeirra. Það er búið að senda út afsökunabeiðni til allra félaga vegna þess. Þetta fellur ekki í eindaga og enginn kostnaður fellur á þetta. Þetta bréf hefur verið dregið til baka enda átti aldrei að senda það. Við biðjumst velvirðingar á þessum mistökum. Mér þykir afar leitt að þetta hafi gerst.
Bestu kveðjur,
Hlynur

[Sjóveikur, 15.4.2009 kl. 21:10]

http://www.icelandicfury.se/video.php  myndband

http://www.icelandicfury.se/free/09Track.zip  frítt niðurhal